اخر رسيالي لك قبل الفراق

ماهو بسهل على أقولك أنا مفارقك لكن وضعي معك حدني عليها
كنت اضن انه ما ببجي يوم وأقولها لك وجا وقتها وقلتها
فمان الله ياجرح أدمت يدي وأنا أداويه
فمان الله يا حب كتمته مع صرختي وكسر أضلاعي
فمان الضحكة الصفراء إلي كنت ارسمها عشان أرضيك
فمان الكلمة الحلوة إلي كنت تقولها من ورى ظهرك
اعذرني حبيبي ترى ما بقى بي شي يحن لك ولا لطاريك
بمحييك وبمحي سطر كتبت فيه انتا أول أحبابي
تعبت اصبر اكتم اعدي وتعبت مني العبرة
صبرت الين الصبر ملني وتركني
من وين أجيب صبر على حبك وجرحك
من وين ألاقي قوة وآنت تهدم فيني اصغر معاني حبي لك
يا مرة على أيام كنت أبي اسمع فيها بس دفا صوتك ولا ألاقيك
رميت عمري تحت رجيليك وآنت ولا يهمك
وردة كنت احتضنها بالغلا وماتت من يومين
تعرف لبش ؟
لأنك آنت لي قتلتها
لأنك أنت إلي تركتها تروح من بين يدينك وخليتها تضيع
لانك ولأنك
وأشياء كثير وش تبيني أقول واخلي
قبل أنسى
خذ كل شي يذكرني فيك
اسمك وصوتك وقلبك ورقم جوالك
أنسى إني بحياتك كنت أو إني فارقتك وأنا أبيك
لعلمك ما تركتك لأني لقيت غيرك
تركتك لأني أبي ارتاح من التعب وأبي أنام وأنا مستريحة
ما أبي أنام بعد اليوم ودمعتي على خدي تهلي
بذمتي لو تلف ما تلاقي احد يعطيك قد ماعطيتك
ولو لقيت حب بدالي أمانه لا تقولها وش كان وضعي معك عليه
ولا تجيب طاريي قدمها لأني ما أبيها تعاني مثلي
ترى قلب بيبقى يحبك ويغليك
لكن هاذا الواقع إلي اتضح لي
تحب من طرف واحد تموت وآنت توك صغير
تعرف وأنا قربك وش صار إحساسي
أحس إني صديق أصحابه تخلو عنه وهو محتاج لهم حيل
أحس إني وردة بين يدنك وكلوم تقطف منها ورقه الين انتهت
تعرف وش أحلى شي عشته بقربك
إن أعذارك كانت كثير وبعضها كان يضحكني
تعرف وش أصعب شي عشته بجنبك
إني احبك بجنون وأنت تجرح فيني وإنا اسكت
علمني حبك حبيبي إني مركض ورى سراب يتطاير من يدي
إني ما أحب بجنون الين اتاكد من إلي ببيني